Wanaka行山之旅，Isthmus Peak Track

作晚本來計劃再出發到Mt Aspiring National Park去行Mt Aspiring Hut，但睇過資料似乎都係平路，而且主要去得個到既人只係當為落腳點，為左唔好再一次浪費油錢去個到，所以一早起身就去左DOC Office問佢地意見。。。

DOC姐姐：你想行半日定一日？

我：全日都OK。。我整天都有空

DOC姐姐：行山怕唔怕？

我：唔怕

DOC姐姐：本來想介紹你行Roy Peak Track，但因為而家要lambing所以閂左，介紹你走Isthmus Peak Track啦～到山頂同時可以睇到Lake Wanaka同Lake Hawea，你係正中間，好靚的！

我：哦。。多謝

DOC姐姐：但今日天氣唔算太好，而且有風，最多你行到一半返返轉頭。

佢咁講完我都冇為意原來好難行，唔怪得話最好天氣好好去行，因為完全係山頂行山，太大風都會危險。。。行到一半個陣真係想講粗口，因為不停地上，而且中間冇平路，只有上山。。。同埋上山。。

去到一半個陣，重要落起雪上來，我心諗。。。落得雪應該都有近1000m啦掛，應該就快到，捱埋佢。。。。最後要捱多成個鐘，總供走左近三個半鐘先上到山頂！！！

當然。。。上到山個陣真係好靚好靚，我就位於兩個湖既中間，同時見到遠遠Wanaka Town落緊既雨都過緊來，幸好我在天氣最好個陣上山，落山個陣己經天陰陰想落雨了。

Isthmus Peak, 1386m.a.s.l

Isthmus Peak山頂

Top of Isthmus Peak Track, Lake Wanaka就在左邊，右邊就是Lake Hawea

Wanaka的第四天，Mt Aspiring National Park

似乎這幾天也是計劃之內，驚喜之外。

本來睇天氣的應該會落雨，而且多雲，但一早起身見到個天都算OK，只係有high cloud！

所以十一點左右就去左DOC Office問一下入去Mt Aspiring National Park今日洗唔洗4WD先入到，因為佢地同我講過如果有過雨或者天氣唔好，係需要4WD既車先可以入去（因為佢地話要過九條河）

問過佢地之後佢地答我 "Should be OK, if you are unable to pass, please let me know.. so I can tell other :) "

聽完覺得我好似比佢呃左咁，但我都一樣信佢好開心咁開車出發。。

一直到佢河口個陣，終於明白點解要4WD先可以過。。。。。。原來真係要 ”過河“

係河邊諗左一陣，有少少驚。。本來想放棄，但又唔想就咁返返轉頭

直到有一個家庭來左，佢都係2WD既車，大家討論緊係咪過到個陣就發現有架2WD既車諗都冇諗就飛過過河。。。好型呀！！！

最難過就係第一條河，佢地有告示話如果呢個過到，其他問題“應該”唔大

當然佢地過左我地都好放心咁過。。。

突然令我諗起之前一齊旅遊的朋友，如果我跟他一起的話，應該二話不說叫我過去了，怕什麼？

有一點驚險，才覺得之後的旅程重加有趣。。

到左Mt Aspiring National Park，感覺和之前去的國家公園很不同，到處都是牛和羊，感覺似去了一個Farm多過行山。。一路跟住河向上行，行到去Rob Roy Glacier。。想不到一直也是上山的路，上山的路走了我二個小時，真的很累，但到目的地時，什麼也值得。

清到見底的河水，沒錯應該有部份是由冰川流出來的

回到BBH原來快六點了。。。好快的做個飯，吃得飽飽的一個晚上

決定了，會在Wanaka多留兩個晚上。。之後才去Fox Glacier