Wanaka行山之旅，Isthmus Peak Track

作晚本來計劃再出發到Mt Aspiring National Park去行Mt Aspiring Hut，但睇過資料似乎都係平路，而且主要去得個到既人只係當為落腳點，為左唔好再一次浪費油錢去個到，所以一早起身就去左DOC Office問佢地意見。。。

DOC姐姐：你想行半日定一日？

我：全日都OK。。我整天都有空

DOC姐姐：行山怕唔怕？

我：唔怕

DOC姐姐：本來想介紹你行Roy Peak Track，但因為而家要lambing所以閂左，介紹你走Isthmus Peak Track啦～到山頂同時可以睇到Lake Wanaka同Lake Hawea，你係正中間，好靚的！

我：哦。。多謝

DOC姐姐：但今日天氣唔算太好，而且有風，最多你行到一半返返轉頭。

佢咁講完我都冇為意原來好難行，唔怪得話最好天氣好好去行，因為完全係山頂行山，太大風都會危險。。。行到一半個陣真係想講粗口，因為不停地上，而且中間冇平路，只有上山。。。同埋上山。。

去到一半個陣，重要落起雪上來，我心諗。。。落得雪應該都有近1000m啦掛，應該就快到，捱埋佢。。。。最後要捱多成個鐘，總供走左近三個半鐘先上到山頂！！！

當然。。。上到山個陣真係好靚好靚，我就位於兩個湖既中間，同時見到遠遠Wanaka Town落緊既雨都過緊來，幸好我在天氣最好個陣上山，落山個陣己經天陰陰想落雨了。

Isthmus Peak, 1386m.a.s.l

Isthmus Peak山頂

Top of Isthmus Peak Track, Lake Wanaka就在左邊，右邊就是Lake Hawea

Wanaka的第三天，亂走。。

一如作天的計劃，今天是沒計劃。。。本來就想懶一下

或許習慣了之前幾個月的工作生活，讓自己的時間也是填滿滿的一樣，吃過早餐後己經忍不住想到外邊走一下，唯有先做好午飯的三文冶再計劃。

天氣如我所想的，天陰陰想落大雨，做過午飯後完全“坐唔定”，總想找點事去做。。。唯有到外邊搞定車的路稅，還有去睇一下圖書館有沒有Wifi可用。也許所有人去Wanaka也會去找圖書館，因為圖書館的免費Wifi是必然吧？可惜到門口時己經很大隻字跟我們說“沒有Wifi提供”。。只好暗然離開（連進入圖書館亂走一下的想法也沒有）

沒事做在Wanaka Town亂走了一下就回到BBH，天氣報告說下午會落大雨，不可以到什麼地方的我唯有“等”。。。等下雨，期間又想去Puzzling World，但怕太大雨連玩迷官的機會也沒有，最後就放棄了。。在BBH苦悶之中唯有睇一下電影，之後到三點左右就睡著了。。突然覺得，原來一個家的感覺就是有一個地方，可以完全放鬆自己，不會有其他人的目光看著你，安靜的做自己想做的事，也許只是午睡都好。

四點就醒來發現天氣很好。。（天氣報告說當時是下雨。。。WTF？）不想再屈在BBH內的我就開車出湖邊亂走，走了一點湖邊的Track和呆坐，回到Town後決定了開車到Lake Hawea欣賞那邊的湖，Day Light Saving的壞處就是時間變得很多。。坐著等日落，再開車回到BBH己經是8點多，但還是天光。。。。

Lake Hawea

似乎我真的很愛”忙“。。。就算在平靜的Lake Tekapo，原來我天天也在找東西忙

只要沒有事做，就想去睡覺了。。真的覺得自己有點變態