最尾我到八點都起左身，準備一下食早餐同整理東西。。
當去刷牙時發現Lake Howden的早上很美，而早上都凍到連屋企都結左冰，當有太陽出來個陣D冰就跟住一齊溶，搞到好似落雨咁。。。超勁
早上的Lake Howden
食完野慢慢坐左一陣10:30才出發離開，係離開的路上見到Toni（她是Rosie的鄰居，同時也是我在Stewart Island時見到的Hut Ranger）同佢講左幾句之後到停車場開車返Te Anau原來都己經一點鐘多了，最後決定買個Pie食作為午飯才回去Rosies Backpacker Homestay。
返到Rosies停好架車Rosie已經開門歡迎我返來了，同佢講左幾句，佢問我係咪玩得好開心～之後佢話比我聽因為佢地找多左個人幫手做換宿，同時間之前我訓個間花園房仔又有人訓緊，佢地冇地方比我訓。。。。但佢好好咁同我安排好住係隔離個間Homestay Hostel，而且佢會同我比呢兩晚的錢。但因為有兩個人工作，可能有幾天我需要做Gardening，而下星期Rosie佢地會唔係屋企，到時就要我同新的Woofer一齊留守了。。
真的覺得佢地好好人，雖然佢地有足夠的人手但也讓我留下來，但我想之後的幾天要開始計劃一下之後要去的地方了。
過左去Paul Homestay個到，主要係整理返好之前Tramping的東西和洗衣服，而主人Paul原來佢要返工，所以成間屋主要我同埋一個住客，感覺真的好像去了別人的家。。完全沒有住在Hostel的感覺！晚上Paul回來了佢整炸魚，問了一下點整。。。佢就好好咁請左我食一塊炸魚了！
今天晚上要自己做飯。。又是想到了蕃茄炒蛋，但這次成功了。
在NZ常常叫自己要去做和學多一點東西，但總是有不同的事出現。。。讓我去懶。。有人話過我成日都有“食神”去到邊都唔會餓死，來到NZ我都相信這是真的。
經過了這四天的旅程，回到城市，一路開車的路上慢慢聽到收到信息的聽音
發現在NZ原來己經認識了不少朋友
看完所有的短信後，感覺有一點像解脫了
人一路在改變，也在成長
要學會感恩，忘記仇恨
學會放手，才會得到更多
沒有留言:
張貼留言