Stewart Island和Great Walk - Rakiura Track

離開了Invercargill後，出發到Bluff把車停泊好就出發到Stewart Island進行三天的Great Walk之行。

落船後感覺有一點似香港的南丫島（其實佢個島好大）

好快就出發去左DOC睇一睇資料就開始出發了，因為沒有車也沒有巴士的關系，我要由馬路開始走大約一個小時才正式出發。。同我係Milford Track走既時候感覺有一點不同，可能因為還身在一個小城市吧。

正式開始走Track時可能因為今次用左新的包包，有點貪心的拿多了食物，搞到第一天的感覺有點吃力。。還是因為未習慣呢？

之後用返Hiking Pole後就好一點了，比較走得舒服。。。

整個Great Walk沒有好像Milford Track的震撼，因為他沒有走到高山和很遠的地方，主要是圍繞小島走，所以環境之內全部都是山森和海邊包圍，先在海岸線走一天，再到山森中間走一天，最後回到海邊的地區回到城鎮就完成了這個32km的行程。

成個行程最深刻的事情有好幾件

1）在第一天見到Rosies Backpacker Homestay的老闆娘，重要我來緊28 Mar會去換同佢換宿。佢話係碼頭已經見到我了，但怕認錯人，最後走到hut site時我先見到佢！估唔到New Zealand可以細成咁。。。

2）第二天到hut site時見到一對中國的男女，佢地用一日既時間走32km。。聽下去唔算過份，但同時有一個外國人問我點解佢地要咁做。。。完全係做運動多過Tramping。最後諗返，當時我只係覺得佢地好“勁”，但諗一下佢地咁做完全失去了走Track的義意。。但同時間我都在問自己，走Track時其實是一個什麼心態，用一個咩既心境去走呢？

3）跟一班太太一起玩了一陣Card Game，似乎每次走Track也會玩Card Game（只有兩次。。）而且佢地去捉左D好大隻既青口請埋我食。。感覺很溫馨

整個Tramping完成後在Stewart Island留了一天，整体來說不算累，可能因為路短而且不用走上走落。。。所以都算幾輕鬆的

返到Stewart Island的BBH第一件事就係沖涼，之後吃個泡面就四處亂走。。找個地方坐下來好好的停一下，到了晚上第一次見人地開火爐，之後我都有份幫手”睇火“掉D木頭入去燒。。。最後有人話一齊睇DVD，睇完就完結了Stewart Island最後的一晚了。。

Stewart Island最後的一日完全沒有計劃，主要是等下午3:30的船，其間就是在島上亂走和發呆。

自己諗返，來左New Zealand咁耐，一直都好似令自己好忙忙好咁，真正比自己靜下來的時間只有很少。。

最後真正的給自己停下來一會，回去BBH收好東西就離開Stewart Island出發到Catlins了。