家中裝修

現在馬鞍山的家，不經不覺己經住了二十多年了

感覺上大部份的回憶也是在這裡，之前住的地方回憶也慢慢的忘記了，只還記得一兩件小事而已

在清理房子這幾天，掉了超多東西，很多也是一些回憶

離開了的父親，一直以來很多有關他的東西也沒有掉到，這一次的機會，或許對我和我的家人算是一個解脫

這一個星期都沒有做到有關去紐西蘭的功課，有點懶。
但媽媽就在這幾天也不停地問有關我去紐西蘭的事了，明顯感覺到他的擔心

時間都用在家中裝修（其實只係間房，但搞到跟本同裝修冇咩大分別）原來要去搞，要去理會的小事超多，令人很攰

買了吸塵機，電視機。。係不用一小時內已經簡好同比埋錢

但係到張床就搞咗好耐了，本來心想自己簡好了

但當慢慢清楚自己的需要，現實的環境就會發覺重有好多不同的選擇

我想，或許人也要一樣的道理

你由出世開始，就永遠不知道自己應該去走的路，去做的事

但當你看到不同的東西，發生了不同的事

你的眼界就會不同，重而作出不同的決定

慢慢就會為以前作出的事後悔，但同時也多了所謂的人生經驗

我想，做人就是這樣吧，對自己做的事無悔就足夠了

對或錯不是放在別人口中，而是自己的看法

處理好了

終於同屋企人講了，比我想像中的平靜
當然有好多問題問我，重要好認真咁問我去幾多日。。。我係咪答佢去三百幾日呢？！

之前要諗，要擔心的慢慢都處理好了
最近係到睇緊相機，好想買返部相機過去影下相，或許到時自己一個人，需要一部相機證明我的存在和生活在那邊記錄吧。

今天好認真在想，我會不會希望留在那邊？我會覺得單獨嗎？
我竟然覺得接受到，點解我好像沒有一點留戀，這就是天蠍座的決絕嗎？只要決定好了，就向前走吧！

跳出去吧。

Approved

今日一早起身就睇下批左未，估唔到原來已經係作日批咗！估唔到個邊做野快成咁，現在的心情真的緊張。。


未來的路要如何走落去，還沒定案，但是我相信未來發生的事將會是我很多的第一次。

來緊要去做的，應該要先處理好手上的帳單問題，要搞好D自動轉帳同埋計下要留幾錢係戶口比佢扣。我想最煩的就是電話費吧，份約重有唔知幾多年先到期，睇來都要白比一年錢！

銀根缺乏，唯有諗下點樣洗少D錢。
現在的想法是用本身有的30L背包，本身有的行理箱，再整返好想當年好勁的IBM X60。其他的東西可以借來用的就借囉，可以的不用買的就不用買了。

漫長的期待

作天係復活節的最後一是，最尾去左買呢件野！最搞笑既係，本來因為佢復活節有平，但因為呢件同呢雙色係冇得平！！！ 但因為自己好鐘意。。。最後都是買了（最後重唔小心做埋VIP，儲咗幾年）

http://www.arcteryx.com/Product.aspx?EN/Mens/Jackets/Alpha-SL-Jacket#GORE-TEX_Paclite_Shell




作天晚上訓得勁唔好，可能是因為太耐無飲奶茶搞到勁精神。期間一直係到諗作天發生的事，突然覺得，我跟您好像只欠幾步。不知你感覺到嗎？

今日見到外邊的人都回復正常了，大家都要返工。我就放埋呢四日會下星期一先返工！呢幾日都係搞下呢樣個樣。。

一早就去左中環攞左份報告，之後去左灣仔領事館（應該叫做簽證中心先岩），本來諗住佢係好大間，好似去搞美國簽證個D咁，點知原來係超細。但個到D人好nice唔似去美國領事館咁黑口黑面！
交個陣佢話我個肺有少少問題，要成份X﹣RAY交比個官批，搞到我勁驚。。我心諗，如果唔批點算好呢，改去澳州？ 還未想到。。唯有平常心吧，因為都沒咩可以做了。

復活節長假

這幾天也是復活節，今年我攞左破記錄咁多假。。連住咁連總供有成12日咁多，而且重要係冇去到邊到玩。。（以前所有假都會唔係香港，但因為要留返D錢，所以留係香港）

但放假總會去下呢到個到，最後都係會洗左好多錢。。。吃喝玩樂吧

呢幾日都係到睇到有咩要準備過去，要買咩。就係因為咁，就同女友嘈了。。。我就想買件好的Jacket，但佢就覺得唔洗。。而且原來而家買件GoreTex真係幾貴！但我自己覺得，有時後佢唔係應該支持我嗎？當然佢有佢的原因，但我總是覺得不爽。


最後睇中左呢件，當然未買啦。但係復活節佢做緊八折，搞到我十五十六！自己覺得呢隻紅色好靚，但當然自己著上身係咪岩就。。。。。


http://www.arcteryx.com/Product.aspx?EN/Mens/Jackets/Beta-SL-Jacket#GORE-TEX_Paclite_Shell 


但認真的想，這次的行程要用到錢的地方太多了。真的要好好計畫，要做到應洗得應才可以！呢幾個月都要認真咁儲錢，唔可以亂咁洗錢。

下星期二就會去交照肺的報告了，我想問題應該不大吧！

最近在計畫的東西如下：
1）出發前的準備﹣機票、第一個月的住宿、過到去要搞的東西（咩會員、稅、銀行等等）、保險
2）需要買或準備的衣著﹣因為上次去San Diego時的經驗，我想個邊的天氣也會很相似。保暖應該是我最重要的東西。好記得上次見到San Diego早上好凍，中午好熱，晚上好凍，最後要係個到要買長褲先掂。
3）想去玩、想去做的東西﹣我想這是最重要了！！！行Track、Work Exchange、玩SkyDrive等等等

最後還開始記錄了有關去New Zealand總共洗左既錢，作為自己的記錄。同時提醒自己要好好管理財政。


今天睇雜誌時見到了以下的東西，好多謝佢。

所有人都需時不時停落來，想吓自己的優點弱點，再定位，立下新目標。一個怕失去的人，很難有突破，結果係一日淨係識埋用怨。

申請了

經過了緊張的四月二日，一早六點就走起床進行申請
終於有驚無險咁申請左，當然其實香港都不是很多人爭。。。見到今天還可以申請呢，似乎只是我太緊張了，可能我是第一個申請！

今日終於去搞埋照肺，期間佢地留意到我個肺有少少花。。原因是之前的肺炎，最後本來只要＄350變左要＄800先搞掂，因為要照多一次，同比埋個copy我。。當比人呃又好，買個安心又好。。總算搞掂了


慢慢開始應該要為未來準備了，突然覺得自己好像很久沒有為自己計畫咁長遠的東西了。
衣，食，住，行。。。來緊竟然是我要去面對的事，似乎還沒找到一個好好的目標，可以安全的過到去，安全的玩玩，再回來就好了

未來的路，應該沒有我想像中的簡單，但只要是自己希望的，無悔就可以了。

2012年，三月的最後一天

想了好幾個月，做出了這個決定。。
四月就申請去紐西蘭去一年工作假期吧。

今年因為四月一日是公假，要到四月二日才可以進行申請。
最開始時只是有一個想法，申請到就去吧，申請唔到就算，幾個月的我現在竟然怕申請不到，心想要第一時間起床馬上就申請到手。

很多人說，去工作假期很好，聽起來總是一件完很好的事情，但事實要面對到的問題相信會比想像中要多，或許經過這次的旅程，最後會給到自己一個答案。

這幾個月，想得最多的不是紐西蘭，而是我在不停地問自己，我是否真的能“放下”現在的東西嗎？對於現在已經是29歲的我，好像晚了一點作出這個決定，但也是最後一次機會給我做出這個決定。突然覺得，是否上天安排了我留意到“工作假期”這件事？自從出來工作以後，這幾年的我不停地努力，慢慢感覺到自己失去了自己，用工作把自己的時間都填滿，最後得來的就是我的一生嗎？值得嗎？

出來工作後，一直以為覺得自己運氣不錯

找到了一間無良公司，但分派到一間很有人情味的學校工作
學到的是人和人之間的相處，完成了一個Degree，對我來說。。這四年，似讀書生活多過工作

之後出來工作，是朋友介紹，一做就快五年了
學到了很多不同的東西，見識很多。。發現世界之大，香港市場的小
由剛入職時的一個小員工，竟想不到慢慢變成了其管理層，慢慢變了是管理人多過管理電腦。。


放開現在的所有東西，回來後會變成點樣？不知道。。但是我覺得，只是有自己係掂既，又點會怕返來後找唔到野做？總不能把自己的眼光放在現有的東西，人除了要向前看，也要向橫發展。。這句說話，令我作出了決定。

現在的我，很期待，但也很怕。。怕申請不到。